Фото: Polisia.kz.
Өткен түні Павлодарда бірнеше оқиға тіркелді. Түнгі сағат 03:54-те көпқабатты үй тұрғынынан полицияға хабар түскен. Ол көрші пәтерде музыка қатты ойнап жатқанын жеткізген. Дереу жеткен полицейлер микрофонмен ән айтылып жатқан туған күн отырысын анықтаған.
Осыған ұқсас шағыммен тағы бір тұрғын жүгінген. Оның айтуынша, көрші тұратын көпбалалы отбасында ішімдік ішіледі, ұрыс-керіс сөздері қатты естіліп жатады, ал көршілердің тәртіп сақтауға шақырған ескертулеріне құлақ аспайды. Сол көршілер тыныштықты жиі бұзу арқылы балалардың ұйқысын бұзып, мектептегі үлгеріміне зиян тигізіп жүр.
Осы ретте полицейлер көршілер түнгі уақытта жүйелі түрде тыныштық пен қоғамдық тәртіпті бұзса, полицияға шағымдануға болатынын ескертті.
